Përtej gjithë gjërave

Përtej gjithë gjërave që ke kaluar,

përtej gjithë gjërave që do kaloj,

a mund të mbetemi puthja më e gjatë e njëri tjetrit,

vetëm sot?

Asnjëri nuk jemi naivë mjaftueshëm,

të mendojmë që për mua do jesh e fundit dashuri,

por me pak fat mund të jesh dashuri e parë,

dhe si një ëndërr e bukur, e vrarë,

të shkëlqesh në sytë e mi,

mëngjeseve e mbrëmjeve kur çdo gjë ndihet e kotë,

përtej gjithë gjërave që ke kaluar,

dhe nuk i ndryshon dot...

E dua atë zemër që e ruan me ngulm,

të ma japësh dhe nesër ta kthej sërish,

e kam kuptuar me kohë që e shkuara dhe e ardhmja nuk na përket.

Mundemi bashkë vetëm sot, të krijojmë një tjetër det,

tjetër qiell, e tjetër botë,

përtej gjithë gjërave që më presin

dhe ti e di, s’u shmangem dot...

Ti, një oaz në shkretëtirë..

Unë, një zemër e etur për të pirë,

çdo mendim, çdo fjalë që s’thua,

nën lëkurën tënde për të hyrë,

qetësinë e shpirtit lënë aty...

Më lejo vetëm sot,

përtej gjithë gjërave që ke kaluar,

dhe nuk i ndryshon dot,

përtej gjithë gjërave që do kaloj,

dhe nuk u shmangem dot,

të jemi ndjenja më e pastër për njëri tjetrin,

kurrë herë tjetër, vetëm sot...!!

-Jonara Hoxha- 14/03/2019